នៅព្រឹកថ្ងៃច័ន្ទ ៥រោច ខែបឋមាសាធ ឆ្នាំច សំរិទ្ធិស័ក ព.ស២៥៦២ ត្រូវនឹងថ្ងៃទី០២ ខែកក្កដា ឆ្នាំ២០១៨ លោក ចាន់ រិទ្ធិ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពត រួមនឹង លោក ជួន សារ៉ា នាយខណ្ឌរដ្ឋបាលព្រៃឈើកំពត និងនាយរងផ្នែករដ្ឋបាលព្រៃឈើកំពង់ត្រាចរួមទាំងសហការី ចំនួន ០៩នាក់ទៀត បានចូលរួមប្រជុំជាមួយក្រុមការងារ ខេត្ត ថ្នាក់ជាតិ និងខាងព្រះបរមរាជវាំង នៅទីតាំងប្រារព្វពិធីរុក្ខជាតិ ០៩ កក្កដា ២០១៨ នៅភូមិព្រែកអំពិល ឃុំកោះតូច ស្រុកទឹកឈូ ខេត្តកំពត ក្រោមអធិបតីភាព កួយ សុផល ទេសរដ្ឋមន្រ្តី ៕