នៅថ្ងៃព្រហស្បតិ៍ ១៥រោច ខែបឋមាសាឍ ឆ្នាំច សំរិទ្ធិស័ក ព.ស២៥៦២ ត្រូវនឹងថ្ងៃទី១២ ខែកក្កដា ឆ្នាំ២០១៨ លោក ប៊ូ សុវុធ នាយរងខណ្ឌរដ្ឋបាលព្រៃឈើកំពត រួមដំណើរជាមួយសហការីផ្នែករដ្ឋបាលព្រៃឈើកំពង់ត្រាច និង​ សង្កាត់រដ្ឋបាលព្រៃឈើកំពង់បាយ សហការជាមួយការិយាល័យពាណិជ្ជកម្ម និងវិញ្ញាបនបត្រព្រៃឈើ នៃនាយកដ្ឋានឧស្សាហកម្មព្រៃឈើ របស់រដ្ឋបាលព្រៃឈើ បានចុះណែនាំ ផ្សព្វផ្សាយ និងពង្រឹងការគ្រប់គ្រងការផ្តល់លិខិតអនុញ្ញាតបង្កើតរោងសន្និធិ និងរោងសិប្បកម្មកែច្នៃផល អនុផលព្រៃឈើ នៅក្រុងកំពត ខេត្តកំពត៕