ថ្ងៃច័ន្ទ០៨រោច ខែស្រាពណ៍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៣ ខែកញ្ញា ឆ្នាំ២០១៨ លោក គង់ ឧត្តម ប្រធានផ្នែកផលិតកម្ម និងបសុព្យាបាលស្រុកកំពង់ត្រាច បានសហការជាមួយភ្នាក់ងារសុខភាពសត្វភូមិ និងមេភូមិបាន ធ្វើការចុះចាក់ថ្នាំការពារជម្ងឺសារទឹក នៅភូមិឃ្លាំងខាងត្បូង ឃុំភ្នំប្រាសាទ ដោយសម្រេចលទ្ធផលចាក់បានគោចំនួន៨៩ក្បាល ហើយមានអ្នកចូលរួម ចំនួន១៩នាក់ក្នុងនោះស្រ្តី ចំនួន០៩នាក់។ ជាមួយគ្នានេះផងដែរ លោក ហាប់ គឹមហាវ អនុប្រធានផ្នែកផលិតកម្ម និងបសុព្យាបាលស្រុកដងទង់ លោកអភិបាលរងស្រុក លោកមេភូមិ និងភ្នាក់ងារសុខភាពសត្វភូមិ ក៏បានធ្វើការចុះផ្សព្វផ្សាយ និងចាក់ថ្នាំការពារជំងឺសារទឹកនិងអុតក្តាម គោ-ក្របី នៅភូមិចង្កៀងខាងលិច ឃុំទទុង ដោយសម្រេចលទ្ធផលចាក់បានសត្វគោសរុបចំនួន៨៥ក្បាល ដោយមានអ្នកចូលរួមសរុប២១នាក់ ក្នុងនោះស្រ្តីចំនួន១៥នាក់៕