ថ្ងៃពុធ ០៩រោច ខែកត្ដិក ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២០ ខែវិច្ឆិកា ឆ្នាំ២០១៩
លោក ខន ឃុន និងលោក ដួង សារិត មន្រី្តការិយាល័យផលិតកម្ម និងបសុព្យាបាលខេត្ត រួមជាមួយលោក ណុប សាត ប្រធានការិយាល័យកសិកម្មស្រុក និងលោក ហាប់ គឹមហាវ ប្រធានផ្នែកផលិតកម្ម និងបសុព្យាបាលស្រុក សហការជាមួយអាជ្ញាធរភូមិ ឃុំ បានបើកវគ្គបណ្តុះបណ្តាលការចិញ្ចឹមមាន់ជាលក្ខណៈគ្រួសារ ក្នុងគោលបំណងបង្កើនចំណេះដឹងលើការចិញ្ចឹមសត្វ និងបង្កើនផលិតកម្មសត្វ  ស្ថិតនៅភូមិព្រៃសំណាងក្រោម ឃុំឃ្ជាយខាងជើង ស្រុកដងទង់ ចំនួន០១វគ្គ មានកសិករចូលរួមសរុបចំនួន២៥នាក់ ក្នុងនោះស្រី២០នាក់។