រសៀលថ្ងៃទី២៨ ខែមិថុនា លោក ចាន់ រិទ្ធិ ប្រធានមន្ទីរ លោក សំ សុវណ្ណា អនុប្រធានមន្ទីរ និងលោក អ៉ឹមជុំ វិចិត្រ ប្រធានការិយាល័យអភិវឌ្ឍន៍សហគមន៍កសិកម្ម បានចុុះសាកសួរសុខទុក្ខ និងស្វែងយល់ពីការត្អូញត្អែររបស់កសិករឈ្មោះ ម៉ូវ រី 017264142 រស់នៅភូមិពន្លៃ ឃុំអង្គរមាស ស្រុកដងទង់ ខេត្តកំពត ដែលបាននិយាយថា មាន់ស្រែរបស់ខ្លួនលក់បានតែ ១៣០០០៛/គីឡូក្រាម សូមឯ.ឧ រដ្ឋមន្ត្រីជួយទប់ស្កាត់មាន់នាំចូលពីបរទេស។ ជាលទ្ធផលនៃការសាកសួរបានឲ្យថា មាន់របស់គាត់ដែលមានទម្ងន់ពី1kg ទៅ1,2kg ឈ្មួញមកសុំទិញដល់ផ្ទះឲ្យតម្លៃ 14000៛ រីឯមាន់ធំៗ(មេក្រមុំ) មានតម្លៃ 20000៛ ។ ប៉ុន្តែតាមពិតមាន់ធំរបស់គាត់ប្រមាណ 200 ក្បាល មិនលក់ទេ គឺទុកធ្វើមេពូជតែប៉ុណ្ណោះ ហើយមាន់ជំទង់ៗក៏មិនបានធ្លាប់លក់ចេញដែរ ទើបតែចាប់ផ្ដើមចិញ្ចឹមដំបូងតែប៉ុណ្ណោះ គ្រាន់តែមានការព្រួយបារម្ភតម្លៃមាន់ស្រែនៅទីផ្សារ។ ក្នុងការសំណេះសំណាលនេះ ក្រុមការងារបានសន្យាដោះស្រាយសំណូមពរជូនលោកម៉ូវរី មាន៖ ១.ផ្តល់វគ្គបណ្ដុះបណ្ដាលបច្ចេកទេសចិញ្ចឹមមាន់ វិធីផ្សំចំណីមាន់.. ២.ផ្តល់វគ្គបណ្ដុះបណ្ដាលពីព័ត៌មានទីផ្សារកសិផល ជូនលោកម៉ូវរី និងកសិករចិញ្ចឹមសត្វជិតខាងប្រមាណជិត ១០នាក់។