+ថ្ងៃសុក្រ ២រោច ខែមាឃ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី១៤ ខែកុម្ភៈ ឆ្នាំ២០២៥ លោក តេង វ៉ាន់ធឿន អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងសហការី បានអមដំណើរ ឯកឧត្តម ចាន់ ចេស្តា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ, ឯកឧត្តម ស្រី សុទ្ធា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និង ឯកឧត្តម ខៀវ រិទ្ធីភ័ណ្ឌ អភិបាលរង នៃគណៈអភិបាលខេត្តកំពត ជួបសំណេះសំណាលជាមួយបងប្អូនប្រជាកសិករ និងពិនិត្យស្ថានភាពការងារបង្កបង្កើនផលស្រូវរដូវប្រាំងឆ្នាំ២០២៥ នៅភូមិសង្កែបង្វែរ ឃុំភ្នំកុង ស្រុកអង្គរជ័យ ខេត្តកំពត។ អំឡុងពេលនោះក្រុមការងារបានពិនិត្យឃើញថា នៅភូមិសង្កែបង្វែ ឃុំភ្នំកុង ស្រុកអង្គរជ័យ មានផ្ទៃដីចំនួន ១៤ហ.ត ស្មើនឹង ២៥គ្រួសារ ខ្វះខាតទឹកស្រោចស្រព បន្ទាប់មកក្រុមការងារបានទិញទឹកពីស្រះឯកជន ដើម្បីឲ្យកសិករបូមដាក់ស្រែសង្គ្រោះស្រូវរបស់ពួកគាត់ (ដោយសារប្រភពទឹកនៅបឹងរីងស្ងួត)។