+ ថ្ងៃអង្គារ ៦រោច ខែមាឃ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី១៨ ខែកុម្ភៈ ឆ្នាំ២០២៥ លោក ខេន ថាញ់ ប្រធានការិយាល័យក្សេត្រសាស្រ្ដ និងផលិតភាពកសិកម្ម ព្រមទាំងសហការីចំនួន ២រូប បានសហការជាមួយ លោកស្រី នុត ណាវី ប្រធានការិយាល័យកសិកម្ម ធនធានធម្មជាតិ និងបរិស្ថានស្រុកទឹកឈូ បានចុះពិនិត្យស្ថានភាពបង្កបង្កើនស្រូវប្រាំងបានចំនួន ២ ឃុំ គឺ: ១.នៅឃុំព្រៃឃ្មុំ បានពិនិត្យឃើញថា ស្រូវប្រាំងមិនមានបញ្ហាប្រឈមខ្វះខាតទឹកទេ ដោយស្រូវប្រាំងភាគច្រើននៅវគ្គទុំ និងប្រមូលផល នៅសល់មិនទាន់ច្រូតកាត់ប្រមាណ ៣០%។ ២.នៅឃុំស្ទឹងកែវ បានពិនិត្យឃើញថា ស្រូវប្រាំងមានបញ្ហាប្រឈមខ្វះខាតទឹក ប្រមាណ ១០ហិកតា (ស្រូវភាគច្រើននៅវគ្គលូតលាស់) នៅខាងក្រោមប្រឡាយនៃភូមិកំពង់ចិន ឃុំស្ទឹងកែវ ដោយមិនមានទឹកនៅក្នុងប្រឡាយសម្រាប់ស្រោចស្រពស្រូវ ដោយមានទឹកតែផ្នែកខាងលើនៃប្រឡាយ ។ ដំណោះស្រាយ ស្នើសុំឱ្យអាជ្ញាធរមូលដ្ឋានឃុំជួយអន្តរាគមន៍សម្របសម្រួលជាមួយកសិករផ្នែកខាងលើឱ្យទំលាក់ទឹកមកខាងក្រោមដើម្បីឱ្យគាត់អាចបូមចូលស្រែកសិករបាន។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម